今日lunch朋友約食飯話想搵間特別啲
我就諗起呢間fusion菜
早啲去攞位成功坐到呢個山洞位
自成一角 可以瘋狂打卡 正！

叫左兩個set lunch 餐湯沙律二揀一
兩樣都正正常常 南瓜湯幾濃味同杰身

泰式all day breakfast
呢個好豐富同比較有特式
樣樣都好好食 炒雜菌好香
大蝦配新鮮芒果好開胃
泰式蟹餅有淡淡地嘅冬蔭功味 少少辣幾惹味

泰式肉碎蝦蝦蝦pizza
餅底好似餅乾咁 又薄又脆
大蝦好爽口 加埋辣椒肉碎 好有泰國feel

餐飲轉其他特飲可以減20
芒果椰奶冰沙 飲落透心涼椰味好搶
士多啤梨玄米奶昔 士多啤梨好甜奶昔口感好滑

最近呢間舖不斷係IG 上見到佢, 所以又是腦波弱去了。
沒錯, 又是平日下午去食既我。
平日去就是沒那麼多人, 不用排隊就可以進了

還好有LUNCH SET , 不用想太多。
很久沒食泰國菜了, 豬手肉鬆菠蘿炒飯($128)是合我意,
豬手肉質軟糯, 炒飯也是我喜歡的乾炒質感, 不會太濕。
Lunch Set 除了主食, 還有前菜(湯/沙律), 飲品也是有幾款包含在內。
今天的是蘑菇湯, 他們把菇打碎了,所以飲起來除了充滿蘑菇的香味,還食到顆粒感, 不是加了很多奶的湯, 不錯。

難得去了一間環境裝修都很特色的cafe, 當然要叫杯可以打打卡的飲品啦,
加錢叫了一杯士多啤梨玄米奶昔($58, 跟餐叫直接減$20, 能不叫嗎)
果然, 來到我地都說真的很打卡able, 很認真的跟他拍照的說。

另外還叫了黃咖喱軟殼蟹配法式面包($138),
法包中間夾了黃咖喱等的配菜,裡面放的汁剛剛好, 對半切也不會爆汁, 食起來很方便。
軟殼蟹炸好是放在法包旁，這樣就不會很快變濕和軟塌。

朋友叫了一杯本就包在set 內的latte, 這個加分,
平時餐廳要飲latte都是要加錢, 他直接就免費了, 雖然拉花小了一點, 但奶泡還是打得結實的。
我們見加薯條只是$18, 就加了一個。
本身對薯條也沒什麼期待, 但這個即炸, 放了一會還是脆的。

這間店真的到處都是小心思, 大至裝修, 小至menu的菜名。
每一個角落都是打卡點, 跟姊妹來打卡拍照真的美。
而且, 店員的態度很友善。下次會再來。

好耐冇食過泰菜喇，如果泰菜遇上fusion唔知係點呢成日行T.O.P. 都會經過，但一直冇食過~今次終於有機會食到喇！餐廳都幾大，有兩邊位，裝修都幾玩味，打卡唔錯

✨ 火山黃咖哩配唐揚炸雞 - 好有誠意真係整左座火山出泥上面仲要滿滿芝士醬，沾多士食好正！切開個火山原來係雜菜，幾得意

✨冇乜芫茜味的芫茜飯配燒星鰻 - 原條星鰻鋪左喺面幾吸睛，肉質ok滑，個飯幾香茜味，整成risotto好過癮~

✨鹹蛋黃香茅雞翼 - 同平時食開嘅鹹蛋黃雞翼有d唔同，係多左陣香茅味，即係惹味

✨芒果糯米蛋糕 - 用糯米飯整成蛋糕好有創意，外圍係奶凍，味道唔差，幾特別~

✨士多啤梨玄米奶昔 - 少女心滿滿打卡好正，我幾鐘意面頭嘅茶味奶蓋，好滑

好想搣你個面珠墩
睇到個名覺得好搞笑就叫咗！！其實就係食緊牛面珠，加埋麻辣八爪魚嘅沙律。我覺得辣辣哋又幾有鮮叫，牛面珠有牛味又嫩滑，幾唔錯嘅～
·
火山黃咖喱配唐揚炸雞
擺盤整到係有少少似火山；中間脆皮個形狀有啲似富士山，黃咖喱就好似係噴出嘅熔岩，每塊法包就係岩層，而唐掦炸雞就係一啲石頭嚟⋯⋯只要有咁嘅想像，一切都變得好得意。法包好脆好似薯片咁，口感係幾得意喎～至於富士山脆皮下面，原來係大量雜菜嚟，有菜肉平衡呢樣嘢真係有啲驚喜～至於咖喱味係幾濃，又唔算好辣。
·
椰香番茄冬陰功炒意大利麵
食落有淡淡的冬陰功味，但係網絡姐普通嘅炒意大利麵，成件事好神奇⋯⋯咁見到有蕃茄有茄味都好合理嘅，然後有種隱藏咗嘅椰香味隱約地走咗出嚟，又係好特別嘅。成個感覺就係一碗冬陰功湯，好似乾咗水咁放咗入去炒意大利麵度～～
·
粉紅色的火烈鳥
Menu話係一個令人尷尬嘅名字，我又feel唔到又幾令人尷尬喎？！係因為粉紅色？！定係因為佢火烈鳥？！我唔知⋯⋯ 不過味道係幾好喎～啲strawberry jam唔係好甜好酸，再加埋薄荷葉同玫瑰花瓣好fresh，仲有淡淡玫瑰清香～～
·
楓糖香蕉肉桂奶昔
有塊大大嘅香蕉片喺面，本身已經好吸引人飲。飲落仲有好出嘅玉桂味，好彩楓糖唔係落得太多，唔算好甜，但係又飲到楓糖味，奶味又重～
唔錯唔錯！！
·

———————————————
：餐廳環境超靚同新潮，擺設勁有心，睇落好似好隨心，但其實高低有序主次分明，好用心，仲好配合到fushion菜嘅主題！餐廳環境傾偈很舒服，店員超nice!!

———————————————
小朋友岩哂甜酸雞比薩
本身以為會好普通，純粹想食甜酸醬，點知係咁高質！雞肉好香滑嫩口，肉汁完美被保留，唔會焗到乾哂。甜酸汁好開胃，仲有焗到好香嘅濃厚芝士粉，推介！

_
人人都嗌的啖啖蟹肉擔擔飯
一！定！要！食！啖啖蟹肉新鮮厚肉，量多，由頭食到落尾！個汁係擔擔麵嘅汁，不過花生味再濃厚啲，好惹味，又有少少辣，我好鍾意☺️☺️。

唔需要擔心好漏，因為入面加咗洋蔥同三色椒中和返，仲有大量粒粒爽口蟹籽，食哂成個飯都唔會漏。

———————————————

#旺角美食 #香港美食日記 #香港美食地圖 #香港美食 #食好西 #hkg #hkfoodie #hkfoodblogger #instafood #foodstagrams #foodlover #hkfoodlover #foodshare #igfood