作為觀塘之友，APM係必到點，最近新開咗間意大利Gelato雪糕，雪糕標榜自己無脂肪無糖，甜味來自Splenda，提煉出無糖無碳水化合物嘅天然甜味。
.
雙球雪糕 Double（$65）
雪糕最少有25款口味，有榴槤、熱情果、芒果、山竹、開心果、宇治綠茶、椰子、榛子朱古力、濃情朱古力、特濃咖啡、藍莓乳酪、奧力奧曲奇、鹽味焦糖、草莓芝士、益力多、薄荷朱古力、赤肉蜜瓜、金莎朱古力等等，總之就多到數都數唔晒。
今次就食金莎朱古力同熱情果口味先啦，金莎朱古力口感軟滑，仲有碎花生粒，啱晒朱古力愛好者。熱情果口味比較弱，缺乏咗應有嘅果酸，味道唔算突出，建議大家可以試吓第二隻味。既然係No Fat No Sugar咁冇理由唔食多杯㗎，不如等你哋話俾我聽你哋食咩口味✌。
.
Mamma Mia Gelato (觀塘)
觀塘觀塘道418號創紀之城五期(apm)大堂高層39號舖

餐廳：Mamma Mia Gelato (觀塘)
地址：觀塘觀塘道418號創紀之城五期(apm)大堂高層39號舖

Gelato 意式雪糕相信喺唔少人都鍾意食嘅甜品之一，Mamma Mia Gelato嘅雪糕全部使用天然材料製成，無加額外脂肪，每日都新鮮製造，其中 Premium Gelato 更係無糖無脂肪嘅雪糕[悠闲]，唔係用一般嘅代糖，適合糖尿病、血糖高、對奶敏感同任何人士食用，真係估唔到食雪糕都可以咁sweet咁健康[色]

同朋友分別叫咗個Oreo曲奇+濃情朱古力($65)同埋清酒啤梨+熱情果味($65)，呢款朱古力夠dark夠苦啱晒我，仲有粒粒chocolate chips；清酒啤梨以啤梨味為主導，中間散發住輕淡嘅清酒香，幾特別。另外仲有開心果、日本宇治抹茶、鹽味焦糖、特濃咖啡等十幾廿款味道，有得揀緊係要揀自己鍾意嘅味啦[得意]