我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“驚喜平民茶記”
港口味冰室的評論

港口味冰室
香港排名第6,644 (共 15,123 間餐廳)
周圍地區: 深水埗區
餐廳詳細資料
周圍地區: 深水埗區
3 週前的評論

上星期去左老公嘅其中一個飯堂「雪山冰廳」食晏,餐廳嘅食物質素真係唔錯、價錢又夠親民。今日有人話要再帶我去試下佢另一個飯堂「港口味冰室」。

店舖的門面好 Sharp 醒,用上白底紅字招牌,絕對係香港獨有嘅本土特色。

餐廳地方不大,但感覺好整齊企理,見到啲檯櫈好新淨,原來冰室最近先啱啱做完內部裝修,黑白地板配以白磚牆身,既沉實又型格。

點左兩個皇牌快餐同一碟浸時蔬,見到餐牌上嘅菜式有部分與「雪山冰廳」相同,原來聽講兩間係姊妹店。

先試下呢客神級栗飼叉燒煎蛋飯 ($60),店員話佢哋嘅叉燒非常受歡迎, 午市時段,超快售罄,好彩嚟得早,真係手快有、手慢無。個飯嘅賣相真係幾靚仔,尤其是碗邊嗰幾件用上西班牙伊比利亞黑毛豬炮製的叉燒,不但肥瘦適中、邊位帶脆,而且中間嘅肉質仲好柔軟鬆化,調味又唔會過濃,食到肉香。

兩隻太陽蛋亦很值得一讚,煎得啱啱好,蛋黃呈橙黃全流心、蛋白有燶邊,配上粒粒分明嘅米飯吃,口感一流!

另外呢客鎮店清湯牛腩飯 ($68) 質素亦不俗,個湯底好清甜,既有牛味又有油香,內有蔥花和櫻花蝦。牛腩水準亦唔錯,腍滑入味,而且牛味非常濃郁,口感極佳。蘿蔔好吃清甜,吸滿了牛腩嘅精華,啖啖甘香,腍度亦適中。

兩份餐都奉送熱飲或例湯,點凍飲則需另 +$3、樽仔系列/特飲就 +$9。我哋點左樽仔奶茶同紅豆冰,奶茶有茶香,沒有澀味,甜度亦恰當。紅豆冰足料又夠大杯,紅豆粉腍,入口有花奶香。

另外呢碟野菌濃湯浸時蔬 ($35) 味道亦很討人歡喜,蔬菜新鮮翠綠,有西蘭花、白菜仔、菜心等,入口非常鮮甜,清新又不油膩,加上當造野菌,啖啖滋味!

本來想點客下午茶餐:奶醬西多做甜品,不過見到隔離檯點嘅公司三文治 ($45) 賣相非常吸引,所以即時轉軚,另外仲加配左個粟米雜果沙律。烘底麵包外層鬆脆,沙律菜及番茄用料新鮮,加埋芝士、餐肉、火腿和雞蛋,口感好豐富。

個沙律雖然係用左罐頭雜果製作,但味道很不錯,醬汁濃厚微酸,而且分量十足。呢個沙律如果散叫要 $22,而家跟餐只需 +$10,真係超值,食完飲埋杯紅豆冰,超滿足。

參觀日期:2021年2月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
發表評論評論 (2)
旅客評分
旅客類型
一年中的時間
語言

去過港口味冰室嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。