雖然店舖唔算好大 但食物又幾高質
店員態度都好好～ 有詳細介紹同好貼心
食物主打美國牛漢堡全部即叫即製用料天然
食左磨菇松露burger 肉味濃～ 而且松露果都幾突出 包都夠鬆軟！ 日本和牛油脂感就重啲 軟腍啲
小食會推薦雞翼✨辣辣地幾好食

去韓國街唔係一定食韓國嘢，隱藏喺韓國街一個轉角位之中，就有一間超高質嘅美食漢堡店。餐廳由外國人主理，滿滿嘅美式風味，提供多款安格斯牛漢堡，另外仲有和牛、天婦羅蝦、炸雞扒漢堡等。舖頭只有四五張枱，漢堡都係即叫即製，小食都好高質。

推介
雙層安格斯牛芝士漢堡
一場嚟到，梗係要試下最嘅安格斯牛，仲要食雙層 餐廳選用 ，質素有保證。一啖咬落去就食到超濃牛味，而且好，超滿足

香脆雞扒漢堡
上枱大家都嘩一聲，成個漢堡都鋪滿香脆雞扒，超大份 雞扒炸得好靚，炸皮薄而脆，雞扒嫩滑。加上蕃茄、生菜、酸瓜等配菜，咬落去感覺清新唔油膩。

黑松露薯條
食點可以冇薯條薯條同樣係即叫即製。新鮮炸起，一上枱就聞到強勁嘅黑松露香味。薯條係幼薯條，炸得啱啱好，外層超脆而咬落去食到薯仔味。

新鮮即叫即整勁juicy安格斯burger收工經過柯士甸路，聞到好香，搵到呢間漢堡店，入到舖頭發現仲香，點忍到口。

黑松露蘑菇安格斯牛漢堡，$115

塊安格斯漢堡扒好厚好juicy，加埋黑松露醬同大量蘑菇，係大量☺️大大啖咬落去，真係好香，我仲好邪惡咁另外加咗層瑞士芝士+$15，好好味呀☺️

日式天婦羅蝦漢堡，$98

呢個漢堡好特別，以為係平時食開嗰啲蝦膠攞去炸，點知係成隻蝦炸，仲有四隻添天婦羅蝦本身已經好好味，加埋啲醬汁，估唔到做成漢堡都咁夾。

韓式炸雞粒，$68

店員話呢度嘅炸雞唔錯，果然幾好味，一啖一粒，口感實正，外脆內嫩，沾上蕃茄醬，好夾。

餐廳主打美食傳統漢堡，用美國靚牛，新鮮人手製作，非常用心，舖頭唔大，不過環境好舒服，服務都好好☺️

Burger由細食到大，愈來愈追求用料嘅質數，
尖沙咀主打高質數漢堡嘅地方唔多，
呢間Burger店用嘅係 日本和牛．同埋美國安格斯牛肉
每個都係手工即叫即製
呢間口味同質數 確係正

來自西方嘅店員特別Nice

✨ 黑松露蘑菇安格斯牛漢堡
夾著黑松露同蘑菇好足料，幾乎湧出來
仲有爽口生菜．蕃茄，再加入醬汁
夠多汁好Juicy, 有手套提供唔怕食到污漕哂，非常貼心

✨ 頂級A4日本上州牛和牛漢堡
日本和牛漢堡融合漢堡之中，非常之夾。
牛味濃郁，仲有豐富肉汁
額外加咗車打芝士，好正大大個勁足料

✨雞翼
單骨雞翼熱辣辣，裡面肉質都好嫩

✨黑松露薯條
加上黑松露嘅薯條，連茄汁都唔需要加，
每條都好香脆

最重要加多罐汽水先夠完美

以後Lunch又多個選擇喇

老實講 我真係好少食burger
因為個人比較論盡 覺得個burger好大唔知點入手
所以會成日左跌右跌咁食到成手都係
不過人介紹一間用靚牛整嘅手工burger 都想一試

佢鋪仔細細 街角嘅佢裝修簡單
可能較多玻璃 所以細得黎又唔會覺得好迫夾

頂級A4日本上州牛和牛漢堡 (+瑞士芝士)
A4級和牛油脂好豐富 油花平均
用嚟做漢堡就好鬆軟Juicy
加上奶味較重嘅瑞士芝士
唔會蓋過左和牛嘅香味
呢款Burger真係夠曬邢惡!

車打芝士安格斯牛漢堡
呢款用上USA Prime頂級嘅安格斯牛
油花均勻 肉質鬆嫩
而且味道好香濃
所以可以夾到鹹香多少少嘅車打芝士

如果食一個burger覺得唔夠嘅話
可以加埋小食架

黑松露薯條
平時出面食嘅黑松露薯條 可能都係喺薯條上面有幾點黑松露
呢度嘅黑松露多好多!! 食落好香脆惹味 抵食

雞翼
單骨炸雞翼雖然份量無咁多
但個皮炸得幾香脆 肉汁都鎖到雞翼裡面

小店嘅食物都係即叫即整
所以非常新鮮熱辣辣
值得支持架

Burger Mate
尖沙咀金巴利道78號金輝閣地下A號舖