對我嚟講漢堡包嘅精髓就係在於嗰塊漢堡！呢一間嘅漢堡食得出係用靚牛整嘅！而且佢仲要係即叫即整，所以熱辣辣可以即刻趁熱食，好味指數up

金巴利道除咗韓國菜之外，仲有呢間前身係嘉寶舊舖、同樣食漢堡嘅小店。餐廳由土耳其籍老闆開設，採用有USDA prime認證嘅Meyer 天然安格斯牛肉製作漢堡、另有日本和牛、雞、同素食漢堡選擇。餐廳提供即棄手套，唔擔心整污糟手，食得盡興。

黑松露蘑菇安格斯牛漢堡 $115 + 菠蘿 $15

美國定日本，why not both? 呢個漢堡包體經烘烤，鬆軟得嚟個邊有啲脆；安格斯牛厚身肉味濃；黑松露醬香噴噴，加上蕃茄、生菜、洋蔥、酸瓜以及另加既菠蘿，食落酸酸甜甜更juicy。

頂級 A4日本上州牛和牛漢堡 $120 + 瑞士芝士 $12

A4和牛比安格斯牛軟腍富油香，加上半溶嘅芝士，簡單就是美味。

雞翼 $65

用上單骨雞翼，食得方便，香辣惹味。

炸薯條 ＄45

薯條配上芝士加倍邪惡，可惜腍得比較快。

hoegaarden $48

食肥仔野飲啤酒，超清爽！

▻ 味道：★ ★ ★ ★ ☆
▻ 服務：★ ★ ★ ★ ☆
▻ 打卡：★ ★ ★ ☆ ☆
▻ CP值：★ ★ ★ ★ ☆
▻ 回頭：★ ★ ★ ★ ☆
▻ $：234pp

❊ #
⌁ 尖沙咀金巴利道78號金輝閣地下A號舖

✨ 呢間係主打新鮮天然既美式手工漢堡 即叫即做而且佢哋嘅漢堡都係用上美國農業部認證嘅優質牛肉製成添

✨ 今次嚟到簡咗兩份安格斯牛漢堡漢堡嘅size都比出面普遍嘅再大啲兩款漢堡都超足料 夾住生菜洋蔥蕃茄酸瓜 仲有滿滿嘅芝士安格斯牛肉大大塊好厚身 超juicy肉味香濃 好惹味另一款仲夾咗滿滿嘅黑松露蘑菇 黑松露味香濃雙重滋味 好滿足另外加咗份黑松露薯條香脆可口 如果黑松露味更突出啲會更好～

✨ 店舖唔大 座位都唔多 但整體用餐環境都舒適 店員親切 而且亦會提供即棄手套 唔使驚整污糟雙手

食飯梗係要食得安心先最重要，餐廳標榜住Organic同即叫即整，手工漢堡店
另外配合落地玻璃，可以坐喺窗邊睇住行人咁食burger，然後聽住煎漢堡扒嘅聲，都幾寫意

我今次就叫咗個黑松露蘑菇安格斯($125)，加配菠蘿($15)，味道好正，首先黑松露嘅味幾突出，亦都好夾個漢堡包，然後再加上菠蘿，甜甜地，令到成個漢堡更加 fresh ，味道更加豐富，而漢堡扒都好Juice

如果唔鍾意加咁多嘢嘅話，普通一個蘑菇安格斯都幾好味($105)，而且都好夠飽

金巴利道唔係得韓國菜，係漆咸圍交界既轉角位有間主打安格斯牛漢堡扒既漢堡小店【Burger Mate】。小店採用 Meyer 天然安格斯牛肉，仲要有埋 USDA prime 認證，100%天然方法飼養，所以肉味豐富且多汁，而肉質十分嫩滑。

- 安格斯牛漢堡 -
⦁黑松露蘑菇安格斯牛漢堡 $115
麵包口感香脆鬆軟，漢堡扒肉味濃，仲會食到少少肉粒。黑松露醬又夠香，配料包括番茄、生菜、洋蔥、酸瓜等，非常足料。不得不提，個人覺得多加瑞士芝士，令到成個burger更香，而且只需加 $12，抵食。仲有酸瓜唔會好酸，帶點甜味。

⦁雙層安格斯牛芝士漢堡 $142
食Burger 又點少得最傳統既雙層牛肉同芝士呢！上菜果陣望到burger超級大個，麵包烘到外皮脆口裡面鬆軟，仲有陣陣牛油香味。兩塊漢堡扒同樣用上USDA prime Grade既漢堡扒，double 肉感 double 多汁。配上半溶既車打芝士，味道更加濃郁惹味。

- 小食 -
⦁黑松露薯條 $65
用上粗身薯條，整體份量都幾足料。即叫即炸，炸到外脆內軟唔油膩，配合黑松露醬，香濃美味！

- 飲品 -
⦁汽水 $18/罐
⦁酒精飲品 $48/支，Daily 2-6p.m. happy hour既時間，只需$198 就有六支啤酒。

✨溫馨提醒
店內一人主理，假日/繁忙時間會比較多人，加上小店座位不多，請耐心等待⌛btw等下都值。外賣自取熱線 64612771。

Burger Mate @burgermatehk_official
地址: 尖沙咀金巴利道78號金輝閣地下A號舖