我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“即叫即炸吉列牛專門店”
京都勝牛的評論

京都勝牛
香港排名第1,209 (共 15,731 間餐廳)
價位: US$100 - US$500
更多餐廳詳細資料
餐廳詳細資料
周圍地區: 灣仔/銅鑼灣
描述: 源自於日本京都的「京都勝牛」,創於2014年,本著「把美味的吉列牛扒帶給全世界的客人」的理念,希望使「牛カツGYUKATSU」有一天能與「壽司」、「天婦羅」、「拉麵」齊名,成為和食文化的指標之一,展開從京都到日本全國、到全世界之旅。 「京都勝牛」精心挑選最佳品質的牛肉部位,配上完美比例「麵粉x雞蛋x麵包屑」的黃金薄衣,以190℃油溫炸60秒「高溫短時間」的煮法,將麵衣炸至酥脆金黃,而內裡牛肉維持著最鮮嫩的3分熟度;並搭配7種不同的調味,創造出50種獨特口味!
4 週前的評論

說到日本第一連鎖吉列牛專門店,原來在香港也有分店。
京都勝牛 - 獨到的炸牛扒技術配以獨特的個人吃法
這麼吸引,當然要去吃吃看吧!
能網上訂座,用餐時間只有1小時15分鐘,有點趕 ...
銅鑼灣店座位不算很多,店內頗光亮也坐得舒服。

雖然這裡是用QR Code下單,但是有實體Menu,喜歡這種模式!
主要當然是吉列牛,亦有吉列豚和海鮮。另外也有丼飯、小食、甜品之類,選擇其實滿多,花了點時間才決定到。餐牌上有介紹7種不同調料配搭的吃法,有興趣可以加錢試試看。

因為是第一次來吃就點普通些的 京都勝牛雙味套餐 ($198)
有翼板牛和菲力牛,還有堆得高高的清甜椰菜沙律。
外層酥脆的吉列牛是以190度的高溫快炸60秒,所以內裡會維持著3分的鮮嫩熟度!菲力牛比翼板牛更軟嫩些,但就肉味濃厚度來說會是翼板牛更勝一籌。

單吃不沾任何調味已經很滋味,
但還是可以試試配搭其他調料吃吃看
有數款鹽、還有山葵、咖喱等,個人覺得配鹽類的就夠了 ...
如果覺得椰菜沙律太清,可以配咖喱吃!

套餐的飯不是普通的飯來喔,是香甜又很有口感的麥飯。
另外還有漬物和麵豉湯,整體份量很飽肚。

朋友點的是 - 京都勝牛三味套餐 ($228)
除了翼板牛和菲力牛,還多了一味就是薄片醬味牛,這個單吃已經很夠味。因為醬油味很種,就那種很甜的味道。

因為想點飲品,就 小品+飲品 ($62) 的組合價錢看起來比較划算。
免治雞肉棒 - 每一啖也能吃到很有咬口的雞軟骨,
不過醬汁還是偏甜,如果送飯的還好,單吃真的甜得膩了點。
飲品則要了 - 白桃蒟蒻冰茶,我選少甜,茶味濃之餘會澀一些。
朋友點的是 清酒莫吉托 ($42)

Total:$583 (已計加一服務費)
除了用餐時間實在太趕外,食物本身會讓我想再來吃過。

參觀日期:2022年8月
    • 划算度
    • 服務
    • 食物
感謝 linglingdolly
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
發表評論評論 (19)
旅客評分
旅客類型
一年中的時間
語言

2 - 6 則評論(共 19 則)

2022年8月21日的評論 透過行動裝置

呢邊新開咗好多餐廳,本身男朋友好鍾意食牛所以就走咗入去呢間到食
唔知係咪因為肚餓嘅關係,見到咁大份真係好開心同埋因為我好鍾意食飯嘅關係,呢間餐廳重點係可以任裝白飯同湯
真係啱晒我,我同男朋友一致好評,佢點左牛我就點咗吉列蝦,兩個餐都好食,佢配咗好多醬料,店員都有講解返俾我哋知係咩味,
好細心。麵豉湯我都成日飲,但係呢間係特別好飲會介紹俾身邊朋友食嘅餐廳

參觀日期:2022年8月
感謝 Tour30738039621
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年8月15日的評論 透過行動裝置

太耐冇返鄉下喇~於是去咗呢間日本過江龍——日本關西第一炸牛排專門店,食下吉列牛排去思思鄉!餐廳嘅門面以至內部都裝潢得非常和式,感覺就好似去咗日本咁~

[京都勝牛雙味套餐] (HK$198)
呢個套餐嘅雙味就係翼板牛排、菲力牛排,仲有可以無限添加嘅麥飯、椰菜沙律、味噌湯。
而餐廳採用日本正宗技術,用一分鐘炸出三成熟嘅牛排,表面香脆,內裡粉嫩。翼板牛排油花均勻,食落肉質較彈,而菲力牛排油花較少,食落肉質較腍滑。
值得一提~套餐附上多達9種嘅醬料,例如:七味唐辛子、山椒鹽、玫瑰鹽、黑松露鹽、牛排醬、綠芥末、咖喱醬等,可因應自己口味,沾點唔同嘅醬料,配搭出不一樣嘅吉列牛排風味。
如果覺得三成熟會太生嘅話,亦唔使擔心!店內備有燒爐、鐵板,只要店員講聲就會端上,咁就可以自己控制牛排嘅熟成程度。

[香脆炸里脊豬排套餐] (HK$148)
呢一個套餐就揀咗炸里脊豬排,同樣有可以無限添加嘅麥飯、椰菜沙律、味噌湯。
炸里脊豬排炸得香脆,肉質保持粉嫩,食落一啲都唔柴。隨餐附上一碗芝麻,俾客人自己即席磨碎,然後可加入特製醬汁,炸豬排沾點埋呢個醬汁,格外滋味!

[炸廣島生蠔 (2隻)] (HK$52)
小食之一。炸廣島生蠔共有2隻,每隻都好大隻。炸衣並唔厚,入面嘅生蠔依然保持鮮甜。

[炸特選大海老 (1隻)] (HK$52)
小食之一。隻蝦超大隻,炸衣並唔厚,蝦肉爽彈。

[棉花糖雪糕] (HK$58)
一大粒棉花糖放喺中央,外邊微微燒過有少少焦,入面包住咗一球雲呢拿雪糕,面頭有抹茶粉、黃豆粉。旁邊再有士多啤梨、乾果碎、碎士多啤梨乾等。係擺盤好靚嘅甜品❤️!

[士多啤梨沖繩黑糖雲呢拿雪糕] (HK$58)
呢個甜品有兩球雲呢拿雪糕,再淋上沖繩黑糖漿,面頭有醃製過嘅橙皮絲、碎士多啤梨乾,旁邊再放咗幾粒已切開嘅新鮮士多啤梨。食落感覺清新,賣相亦唔差!

[藍柑荔枝味有汽特飲] (HK$36)
有汽特飲飲料之一。呈海藍色嘅賣相好特別,當中亦加入咗荔枝肉,飲落荔枝味幾濃。

[芒果奇異果味有汽特飲] (HK$36)
有汽特飲飲料之一。呢一杯就呈黃色,最底有芒果蓉,整體飲落酸酸甜甜,十分清新!

✨妹豬仔: 整體來講,喺冇續加嘅情況下,呢個兩個套餐好味之外,個份量好足夠,食完十分滿足!兩款炸物小食味道唔錯,加上兩款甜品同飲料嘅賣相都好好!

參觀日期:2022年6月
感謝 muichujai
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年7月14日的評論

終於有時間去食關西第一炸牛排專門店~京都勝牛嘅招牌吉列牛!餐廳選用來自美國、澳洲同日本牛肉,除左元祖吉列牛排,仲有多款特色海鮮菜式,例如炸廣島蠔、大海老同鰻魚、甜品同飲品等,選擇都幾多!地點喺銅鑼灣535Tower地庫,餐廳坐位濶落,店員有禮介紹!讚
元祖吉列牛排 $168
元祖吉列牛排選用牛肩胛,沾上蛋醬同麵包糠炸至金黃色!外層金黃酥脆,炸到大約3成熟嘅牛肉肉質鮮嫩多汁,跟左9 種蘸料(包括:咖喱醬、芥末、七味唐辛子、玫瑰鹽同松露鹽等)我自己比較鐘意玫瑰鹽同松露鹽,特顯牛肉嘅香味!想食熟D嘅話,店員會用牛脂起平底鑊,只需按個人喜好輕輕煎一煎吉列牛已經非常之好味!套餐配埋燕麥飯、椰菜絲沙律同埋味噌湯,仲可無限續加添!
吉列大蝦鍋膳套餐 $178
上枱陣容頂盛嘅吉列大蝦鍋,巨型嘅特大海老,蝦肉爽口彈牙,扎實有口感,配上香濃的滑蛋洋蔥汁,當脆爽遇上香滑蛋汁,完全中和左吉列嘅乾身口感!係吉列食物中必點嘅鍋品!滑蛋香甜醬汁味濃,一不小心會撈哂成個燕麥飯食!
炸生蠔炸特選海老 $52 :小食炸生蠔同特選海老同樣係炸至金黃色外脆內軟,配埋他他醬食超級夾!必點!
棉花糖雪糕 $58 :造型可愛嘅棉花糖雪糕,係一粒微微燒過嘅巨型大棉花糖包住雲呢拿雪糕,外皮小小脆,裡面軟綿綿,配埋開心果等脆脆食口感豐富勁滋味
日本清酒豆腐雪糕 $58 :估唔到清酒味咁濃!配埋豆腐雪糕口感軟滑細膩,一試難忘!
飲品我地揀左紅豆宇治冰抹茶同白桃蒟蒻冰茶,兩杯都清甜好味~
京都勝牛 牛カツ
▫️銅鑼灣謝斐道 535 號 Tower 535 地庫 B02 號

參觀日期:2022年7月
1  感謝 TravelbyChinss
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年5月15日的評論 透過行動裝置

休假日當然要和太太外出散心,和她來到遙遠的將軍澳,到海旁走一走感受不同的風光。及後到DONKI逛一逛,不經不覺到了午飯時間,便到地庫的這間日料共晉午餐☺️

✏️位置: 7/10
✏️環境: 9/10
✏️衛生: 9/10
✏️服務: 9/10
✏️食物: 9/10

餐廳位於Monterey Place地庫,位置雖然有點偏,但勝在樓上有DONKI,很多將軍澳居民會前去。店內環境不俗,充滿和風,食物質素高,而店員服務亦很好

鹿兒島A4黑手和牛西冷(附日式溫泉蛋) - $438
把A4黑毛和牛西冷做成吉列牛扒,單看餐牌已覺得吸引。上枱時切開外皮香脆的竟做到肉質只有約3-4成熟,咬下去鮮嫩多汁,相當考功力。桌上附有一張享用炸牛排的說明卡,包括了6種不同的食法,在定食盤亦附有多種醬料及日式溫泉蛋,單是試盡每種口味已很有樂趣及滋味。定食另外附有漬物、椰菜沙律、味噌湯及麥飯,豐富滿足

鮮嫩脆炸豬柳伴鰻魚套餐 - $148
香脆的炸豬柳及炸鰻魚雙拼,豬柳外脆內嫩,伴上自磨芝麻及豬扒醬味道更好;而炸鰻魚鮮味,啖啖多汁美味,配上芥末醬食有另一番風味。師傅細心附上蘿蔔蓉及檸檬,方便去除油膩及濃味。套餐同樣附有漬物、椰菜沙律、味噌湯及麥飯,性價比較高

藍柑荔枝特飲 - $36
帶著海洋的藍色,卻有清甜的柑及荔枝肉,解渴又美味

芒果奇異果特飲 - $36
有芒果的黃色及鮮甜,加上奇異果的獨特味道,充滿維他命C☺️

京都勝牛(將軍澳)
地址:將軍澳澳南海岸唐俊街23號Monterey Place地庫B03號舖

參觀日期:2022年5月
8  感謝 momohing
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。

查看過京都勝牛的旅客也查看過

 

去過京都勝牛嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情