本身係Greyhound Café的忠實粉絲， 差不多每間分店都去過， 反而第一次到K11 Musea 的分店。 星期日約朋友食團年飯， 一早已經在openrice訂位，中午一點準時到達， 餐廳安排窗邊座位， 有維港靚景非常舒適， 自然光透過窗邊滲入， 心情特別輕鬆。 大家各自揀了喜歡的菜式，越式鮮蝦雞肉米紙卷$98、 泰式炸魷魚圈$78、 鮮蝦炒金邊粉$138、 秘製醬汁燜豬手$288、 沙爹豬頸肉$88、 朱古力窩夫$68、 泰式奶茶千層蛋糕$78， 還有飲品Cha La Wan $78、Pink Journey $62、Tipsy Watermelon $108、 Lemongrass ＆ pineapple$108。

越式鮮蝦雞肉米紙卷～ 一碟有九件， 配上生菜和甜酸醬， 味道普普通通。

泰式炸魷魚圈～ 炸魷魚圈等到最後催了好多次才到， 細細條冇口感， 似炸麵糰多。

鮮蝦炒金邊粉～ 有四隻鮮蝦， 不算爽口， 金邊粉味道濃點會更好。

秘製醬汁燜豬手～ 豬手炆得軟腍入味， 是眾多款菜式之中比較出色的。

沙爹豬頸肉～ 口感乾身， 味道偏淡。

朱古力窩夫～ 平時多數食千層蛋糕今次試下這裏的窩夫， 朱古力味香濃， 配上鬆脆口感的窩夫，正！

泰式奶茶千層蛋糕～ 最喜歡奶茶千層蛋糕口感軟滑， 甜度適中，超推介的甜品。

Cha La Wan～ 啤酒味道清清地， 易入口沒有苦澀味。

Pink Journey～ 味道偏酸， 賣相靚。

Tipsy Watermelon～味道普通。

Lemongrass ＆ pineapple～ 賣相普通，味道酸。

食過Greyhound 幾間分店， 感覺這間食物質素比起其他幾間差些少， 當然這類的賣點一定是靚景吧！

Greyhound Café Galleria (Victoria Dockside K11 Musea)
地址: 尖沙咀梳士巴利道18號Victoria Dockside K11 Musea3樓327A及327C號舖

好耐都冇食泰國菜啦昨晚心血來潮，勁勁勁想食，去完AIA，就順手落IFC去「Greyhound Cafe」嘆返餐

海鮮菠蘿炒飯$148 ：幾有睇頭，淨係果兩片燒過既菠蘿已經夠晒吸引，望到都流晒口水炒飯入面仲有腰果、提子乾、肉鬆、菠蘿粒、鮮蝦❗️鬼死咁足料，仲要全部都係開胃野兩個人唔經唔覺，成兜食晒

鮮蝦炒金邊粉$138 ：超級正！上碟時會比埋花生碎同埋辣椒粉你，如果撈埋一齊食，真係冇得輸呀！超惹味！但提提大家，佢既辣椒粉都幾辣，唔係好食得辣就唔好撈咁多

越式鮮蝦雞肉米紙卷$98 ：米紙厚薄適中入面都好足料❗️塞滿晒鮮蝦同雞肉用旁邊嘅生菜同薄荷葉，再加埋甜酸醬包住一啖放晒入口超正

泰式奶茶$42 ：呢個係我每次食泰國菜都一定會飲！佢有種好獨特既味道，好難形容，個種茶味真係佢先有！成杯奶茶都好滑好香濃！唯獨係甜左少少但都唔會影響我對佢既愛

超級滿足嘅一餐☺️我諗我已經愛上左佢


評分
味道：5/5
環境：5/5
服務：4/5
性價比：4/5
回頭率：4.5/5

三文魚刺身配生蝦刺身醬+蒜都幾夾
冬蔭功海鮮螺絲粉都幾入味
雞串都好正常，除左唔食嘅洋蔥
生菜包肉都好好味，但略嫌生菜太大片
同場加映上錯嘅米紙卷，影左當食過
芒果千層蛋糕：芒果酸，啲皮厚過粉底
泰式奶茶千層蛋糕比較無咁伏

本來係網上睇到佢蛋糕嘅相覺得幾吸引，但真心價錢跟碟頭大細好唔成正比，味道亦不過爾爾！唔使特登試！

小編來過2次，第1次是晚餐，要了個泰式鹵水鴨河粉($98)，鴨脾很大隻，而且入味，但河粉的量就有點少，顯然有點貴。

第2次是午餐，要了個泰式海南雞飯($148)，海南雞的份量驚人，吃不完似的，雞肉滑但雞味不太突出，配送的3種醬汁都很出色，每件雞肉都要沾一沾著來吃，飯不夠香，質感都一般。因為雞件多，所以價錢都尚算合理，不過未必會再點，如果飯有再美味多些就會考慮一下。

Greyhound cafe的食物種類選擇很多，為IFC多了色彩，是一個不錯的選擇。