今日去銅鑼灣Fashion Walk行街，經過見到間黑膠唱片為主題嘅餐廳，牆櫃放滿黑膠唱片、唱片poster。地方寬敞，坐位舒適。不時有DJ主場打碟，飲酒聽歌，氣氛熱鬧。

最近經過名店坊
發現新開了一間以黑膠唱片為主題的餐廳
由大角咀 lost stars 班底主理
環境格調優雅💽
營造微醺的氛圍🍷
微暗燈光下伴著悠揚音樂
令人徬佛置身於藝術空間🎶

✩‧₊手工芝士烤雞卷($318)
ʀᴀᴛɪɴɢ: 𝟾.𝟻/𝟷𝟶
雞皮烤得香脆🐔
內餡夾上奶油芝士令雞肉更濕潤🧀
旁邊有松滑的薯蓉及車釐茄🥔
健康又美味

✩‧₊黑松露薯條($138)
ʀᴀᴛɪɴɢ: 𝟿/𝟷𝟶
黑松露都撒在熱辣辣的薯條上🍟
增添了獨特的香氣
配上濃郁的蛋黃芝士醬🍳
有點邪惡但很滋味

✩‧₊素肉菠菜闊條面($168)
ʀᴀᴛɪɴɢ: 𝟽.𝟻/𝟷𝟶
作為芝士控🍝
看到餐單上有瀑布芝士就被吸引了
闊條面彈牙有淡淡的菠菜味🌱
芝士濃郁程度一般
但是素食者不錯的選擇

✩‧₊接骨木花蘋果伯爵茶撻($58)
ʀᴀᴛɪɴɢ: 𝟾/𝟷𝟶
甜品造型巧妙
感受到餐廳幾有誠意🍎
將蘋果捲成玫瑰花狀🌹
且有淡淡的接骨木花香氣
整體味道不俗

✩‧₊ Mystery of love($158)
ʀᴀᴛɪɴɢ: 𝟾.𝟻/𝟷𝟶
蕃茄汁配上白玫瑰茶伏特加🍅
味道清新香甜易入口🍹

知道有呢間音樂+唱片主題餐廳好耐，尋晚終於同朋友去，環境裝修好有音樂感。因為有好多音樂相關擺設及海報。播放嘅音樂又好聽。比人好chill嘅感覺。最驚喜係佢食物同cocktail 都唔錯，我同朋友都食得好滿足。

白酒忌廉煎虎蝦：
呢個有啲似Tapas, 虎蝦伴兩塊多士，個汁好好味，咬落去仲有一粒粒杏仁碎。蝦嘅份量都唔少，裹面有一粒粒白提仔，好甜惹味。

手工芝士烤雞卷：
見到每枱都會叫這個餸，雞皮好脆，雞肉好滑。雞件裏有用煙肉包住嘅芝士，口感好豐富，好滑好creamy，配埋薯蓉，蕃茄仔，黃瓜作配菜。好夾好好味。

深海紅蟹肉明太子卡邦尼扁意粉：意粉軟硬適中，多蟹肉。明太子也好多，醬汁好濃好有蟹味。啖啖都有明太子。咬落有咬口，好正。

接骨木花蘋果伯爵茶撻：
賣相超靚。成朵花咁。其實係薄蘋果片捲成。撻底有creamy奶油，中間夾住薄薄一層伯爵茶果凍，食落仲有淡淡伯爵茶味。唔錯

Cocktail: Amie by Damien Rice
以哥名命名嘅cocktail, 我就揀咗呢款。因為自己鐘意聽Damien Rice😉
呢杯飲落有Elderflower 嘅清香味。

又係一間愛吃友人極力推薦既餐廳。餐廳以復古黑膠唱片💿為主題，大大小小的黑膠唱碟令人恍如置身唱片店，很震撼，十分有味道！
Mercury Recalls位置十分方便，就係DONKI對面，店面都非常大，空間感大令人很舒適。
🍽️黑松露薯條（巴馬臣芝士🧀黑松露醬） $138 - 睇menus已覺得薯條好吸引，黎到時唔單止裝既容器好得意，份量仲要超多！新鮮炸起熱辣辣，面頭灑上黑松露，就咁食已經好好味😋沾埋怖滿芝士碎既黑松露醬，又係另一種享受！

🍽️酸奶油烤美國豬柳 （開心果薯蓉車厘茄蘋果蓉） $278 - 首先擺盤又係好靚，豬柳整得非常軟嫩，肥瘦適中，最特別係豬柳上灑上開心果粒，食落好有口感！點埋蘋果蓉食好清新。薯蓉份量比得毫不吝嗇，車厘茄亦都好鮮甜！

🍽️黑松露牛肝菌意大利雲吞 $188 - 一入口係好香既黑松露味，牛肝菌味亦都相當濃郁，意大利雲吞好好咬口，內餡勁惹味，真係令人回味無窮！

🍽️接骨木花蘋果伯爵茶撻 $58 - 依個撻勁抵食，性價比好高！首先份量不少，同時味道好出色！接骨木花香味清新宜人，奶油撻奶香味十足！中間係伯爵茶果凍，而面頭則是一朵朵接骨木花蘋果片，食落有層次而不膩，係味覺加視覺既享受！

🍸Sonte by 壞特 $148 -依到既酒好特別，而唱片💿命名，根據歌中特性去調酒，White Peach Liqueur, White Rose Tea, White Rose Tea Syrup, Fever-Tree Aromatic Tonic Water 混合埋一起種慵懶浪漫的感覺 $148

☕️荔枝紅茶 $68 -最近落雨☔️天氣都冷了一點，在吃完東西後飲杯荔枝紅茶真是最好不過！重點店員會不斷主動幫你加水，真係非常貼心！

之前都無去過大角咀Lost Stars, 今日經過fashion walk原來呢度都開咗間, 就入咗去. 3000呎嘅咖啡店, 開業就快一年, 室內燈光柔和, 復古風為主, 逢星期五六/公眾假期前夕仲會有DJ駐場播放黑膠唱片, 同大角咀嗰間一樣有feel.

Signature Cocktails
店員同我講呢杯用茶杯裝住嘅Don’t Know Why by Norah Jones係熱嘅, 我覺得幾得意就嗌咗. 本身係Earl Grey茶底, 一拎嚟已經有濃香.呢個只係佢離遠聞到嘅味, 用羹細飲第一啖嘅時候成件事更加係唔同晒. 呢杯cocktail散發住嘅係一種混合酒精同熱情果嘅甜味, 酒精吸入喉嚨嘅時候會有少少哽, 但又唔會太過份, 因為會俾隨後嘅甜茶味即刻冚過, 之後再輪到溫暖嘅cocktail進入喉嚨. 呢種奇妙嘅感覺, 令我一開始就已經飲咗好多啖

炙烤雜錦香腸拼盤
平時香腸拼盤都係嗰啲德國肉腸, 呢個比較亞洲風格. Menu寫三款腸 - 糯米腸/台式香腸/韓國雜肉腸, 嚴格嚟講其實四款, 因為韓國腸仲有分辣同唔辣. 糯米腸唔會太硬, 配芥末醬啱哂. 台灣腸除咗平時食到嘅黑椒味, 仲有淡淡蒜味. 最特別係韓國雜肉腸. 一開始我frd同我講辣, 但係我明明食到唔辣, 咁先知原來有兩隻味. 粉紅色嗰隻唔辣, 橙橙哋嗰隻係辣. 兩隻都勁多汁喺腸入面爆出嚟. 推介大家食辣嗰款, 佢有辣嗰種香味, 接觸到條脷嗰下會好似一支一支針仔喺你條脷上面拮下拮下咁, 但又唔會係辣到你想飲水嗰隻辣. 不過呢種感覺會持續一段時間

慢煮法國鴨腿
無論鴨髀同埋沙律都係優秀. 沙律有無花果/蜜柑/合桃同黑橄欖, 再用黑醋撈埋. 黑醋比例控制得剛好, 佢選用嘅醋唔會太酸, 喺微酸情況下會食到無花果同埋蜜柑嘅甜, 合桃增加口感. 另一方面, 淡口黑橄欖唔會搶走成個沙律嘅味. 油鴨髀更加係滿分, 餐廳將油鴨肶煎過, 令到鴨肶嘅皮下脂肪分解溶曬, 一咬落去會有一浸好香嘅油脂味. 而肉同骨根本唔使點切, 肉嫰到同骨自己分開. 我哋最建議肉同埋沙律一齊食, 因為酸嘢同脂肪嘢真係最佳combination.

燒美國黑安格斯肉眼扒(10安士)
嗌咗五成熟, 肉嫩唔韌得嚟外皮薄薄咁熟咗一層, 入面就係鮮嫩粉紅色. 值得一讚嘅係個法式伯那西醬. 個醬好重蛋香同牛油香, 仲有白酒香味. 牛扒肉本身就好軟, 加埋伯個醬一齊食成件事好smooth. 配菜方面有燒南瓜同薑黃椰菜花, 南瓜幾甜, 而椰菜花除咗微甜仲有薑黃嗰種香味

Mercury Recalls最強嘅係有自己特色. 相信除咗cocktail, 如果就咁睇佢menu, 好多其他西餐廳都會供應呢啲菜式, 問題在於喺香港千篇一律嘅西餐入面點樣做到自己獨特嘅味道. 呢一點Mercury Recalls就做得到, 值得返食