上網見到昂坪市集有好多活動，有《叱咤我 最喜愛集氣點》，又有《昂坪360 X Venchi朱古力聖誕嘉年華》等～～
所以放假同屋企人去行下！

呢次係我第一次坐昂坪360纜車 ， 仲坐水晶車廂✨，真係未出發先興奮 是日天朗氣清，陽光普照☀️，風景真係好靚， 通過透明車底望到海同叢林， 都幾震撼

去到昂坪市集，第一件事當然要去《叱咤我 最喜愛集氣點》同Mirror/ Error 打下卡，仲可以換領必勝許願牌及應援手幅，為佢地打打氣

然後我哋就去到《聖誕攤位遊戲區》，唔玩唔知我哋咁好運， 仲發現原來屋企好多神射手，百發百中，為我哋贏咗好多小禮物

之後我哋仲係昂坪市集打卡，去左睇天壇大佛、寶蓮禪寺、同心經簡林等，全日都玩得好開心，好充實滿足

前排卡卡一直苦惱究竟帶生日之星的卡佬去邊度慶祝生日好～比我見到最近有幾個朋友仔去左 #昂坪360 玩～仲話小童來回纜車門票6折優惠，低至 $66‼️即刻買飛同班仔帶卡佬出走吧～坐下一直好想坐嘅水晶纜車～

我地無視左畏高嘅大仔揀左 #水晶纜車 坐~二仔琋琋同三仔旻旻超興奮同最開心除左可以看到纜車外景色，更可以看到腳下未見過的風景~～哥哥就驚到腳震震

雖然當日 #不是天氣晴️，還帶點涼意，但竟然比我地近距離咁體驗穿過雲層的感覺~成個件好有意思️️～卡佬順便同幾個仔講下即時見到的自然現象‍～正所謂 #高處不勝寒～ 彥彥哥哥話感受到越高係特別寒的道理～哈哈～由原本畏高的他，也不禁遠望 纜車外的風景及雲層～多美麗及壯觀～頓時忘記自己畏高添

上到去見到昂坪360 X Venchi朱古力聖誕嘉年華，有好多有趣好玩嘅小遊戲，仲有豐富獎品添！卡卡除左幫班仔喺靚靚壁畫面前打卡，坐下免費嘅車車，睇下牛牛～大滿足的一天！最後當然唔少每人買左份禮物返屋企啦～2仔琋琋話聽日要再黎喎～

第一次同家人上到黎昂坪360仲踏上了水晶車箱
感覺超正超好玩，上到黎仲有好多聖誕打卡位
仲有好多好玩嘅灘位遊戲又可以嬴下小禮物
仲可以免費換埋叱咤我 最喜愛集氣點入場券及「必勝許願牌」
可以係許願牌上寫上你對歌手們的祝福
係頒獎禮前送仲會送到歌手和組合手上
諗到都開心又興奮，活動由即日起至2022年1月1日
市集仲有好多特色小店可以ＳＨＯＰＰＩＮＧ
行前啲仲可以上埋天壇大佛觀摩下
行得攰介可以去小休一下，食個豆腐花飲返杯茶添
呢到真係好岩一家大細黎玩，真係可以玩足一日