我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“不錯的泰國菜”

金寶泰國菜館
訂位
香港排名第287 (共 13,987 間餐廳)
卓越獎
菜式: 海鮮, 泰國菜
更多餐廳詳細資料
餐廳詳細資料
用餐選擇: 早餐, 可預約, 外賣
周圍地區: 九龍城區
4 週前的評論 透過行動裝置

今日行經過九龍城想食泰國菜,但係呢度最出名嘅幾間都食過,所以決定試吓其他唔同嘅餐廳,結果比我發現咗呢間更加平,但有相同高質素嘅餐廳。

一入去嘅時候,我同朋友即刻叫咗個椰青,呢度嘅椰青削得非常靚,而且仲包左一層保鮮紙,令到個椰青飲落嘅時候更加冰凍,大熱天時入一間餐廳,第一樣嘢就係要去叫個飲品可以消暑解渴。

之後我就叫咗一個生菜豬肉包,你食東南亞菜嘅時候通常都一定會點。而當中好食與否,就係去睇佢嘅豬肉炒得香唔香。呢間餐廳用嘅都係肥豬肉,再配上少少spicy嘅材料,加上一啲香菜,一齊炒。食開嘅時候唔會覺得好鹹,會買生菜一齊食,生菜切得剛剛好,幾整齊,就真係幾好食。

又再跳咗一個鮮蝦份卷, $60 ,佢會設成四舊,都足夠兩個人食,份卷裏面除咗有大蝦肉,仲有好多嘅芽菜、香菜合併而成。一齊食,食落去甜甜,又有種小清新,適合我呢啲鍾意少少清淡嘅人。

再之後就叫咗個呢間餐廳嘅自家製小食,漿爆蝦丸,四粒夾埋要$98,價錢一啲都唔平,但原來整粒丸全部都係用蝦肉打出黎,裏面仲會加埋一啲豬肉汁,淨係功夫都已經唔少。咬落去嘅時候,醬汁會即刻彈出嚟,都可以係一個幾新鮮嘅體驗。

最後梗係唔少得香港糯米飯,芒果甜,糯米飯可以揀黑白兩配,各有風味。

參觀日期:2020年7月
感謝 cheungkkk
該評論乃TripAdvisor會員主觀個人意見,不代表TripAdvisor LLC公司。
發表評論評論 (119)
旅客評分
旅客類型
一年中的時間
語言
  • 更多語言

2 - 6 則評論(共 121 則)

4 週前的評論 透過行動裝置

-
金寶泰國菜館
九龍城衙前塱道14號
————————————————————————————
金寶係一間九龍城傳統泰國菜餐廳,由於疫情關係,可以用台面上既QR Code落單,咁就唔洗驚用手掂餐牌嗌野食啦~~
-
✨椰青海鮮焗飯 ($98) (⭐⭐⭐⭐/5)
呢份椰青海鮮焗飯用左椰青水、椰汁同埋海鮮黎焗個飯,好有鮮味同椰青獨特既香味~~飯既質感比較軟同濕d,入面幾款海鮮味道都幾特出,焗飯d提子乾更加為成個飯帶黎畫龍點睛既作用。
-
✨沙爹串燒 六串($70) (⭐⭐⭐⭐✨/5)
食親泰國野必食既沙爹串燒~分別係雞、豬、牛串燒,沙爹醬汁味道濃郁,每串都大大件,啖啖肉,真心幾正,直情想食多幾串tim~
-
✨鮮蝦卷 ($60) (⭐⭐⭐✨/5)
鮮蝦卷外層係一層米造既皮,每件入面都有兩隻熟蝦同埋有大量既生菜,食落口好有田原既感覺haha有一種泰國同中國點心fusion既感覺~
————————————————————————————
#BE九龍城
#BE誠實豆沙包
*註: ✨為半分

參觀日期:2020年7月
感謝 Burgerexpertt
該評論乃TripAdvisor會員主觀個人意見,不代表TripAdvisor LLC公司。
5 週前的評論 透過行動裝置

黎九龍城,梗係食泰國菜啦,老字號既泰國菜館就非您莫屬啦,經常都會幫襯,因為餐廳環境舒適,食物款式選擇多樣化,有海鮮,串燒,烤魚,粉麵飯都有

菠蘿焗飯,用上成嗰菠蘿焗,份量勁多呀,加入左鮮蝦、菠蘿粒、提子乾同肉鬆,菠蘿味道令到啲鮮蝦更加鮮甜,食落蝦仁好爽口,炒飯後拎去焗,粒粒分明,好好食

泰式生菜包沙律豬肉碎好多,肥瘦比例各半 調味唔會太辣 生菜新鮮兩者結合停唔到口酸咪咪好開胃

海雞肉份量好多,烹調火喉亦控制得啱啱好,雞肉入口又軟滑又多汁,海南雞去骨,肉厚有雞味,雞皮薄薄的,有少許啫喱狀雞油,真係好好食,雞肉蘸埋醬汁好夠味,真心好食既

泰國青檸梳打水,食完咁多酸辣既泰國食物,飲番啲青檸水,清涼解渴,甜入心

參觀日期:2020年7月
感謝 ckcmt23
該評論乃TripAdvisor會員主觀個人意見,不代表TripAdvisor LLC公司。
2020年7月7日的評論 透過行動裝置

2020年已經過左一半,但似乎仲未可以去到泰國旅行。唯有嚟到香港嘅小泰國 - 九龍城搵下泰菜食啦。

泰菜令我最掛念嘅係呢個鹽燒鯽魚,鮮甜嘅魚肉,加上泰式辣汁,真係好惹味架。

佢條魚燒到岩岩好,一揭開仲要超多肉汁,魚肉好嫩滑。

其次就係泰式串燒,所以就帶咗我乜都有啲嘅泰式拼盤。佢個串燒沙嗲汁真係好正,好香花生味,甜甜地完全係泰國嘅味道。佢個雞肉串燒唔會好乾,燒到啱啱好。而個炸蝦餅都好大粒,最重要係好彈牙,外面又炸到脆卜卜。但係個荷葉包雞就乾咗少少,調味都淡咗少少。

佢個蝦春卷除咗中間有一隻蝦之外,入邊個餡都係蝦肉嚟嘅,真正嘅外脆內彈牙。

佢個辣椒膏炒大蜆唔會真係好辣,但係就好夠味。啲蜆完全冇砂,仲好鮮味添。

另外仲嗌左個我最喜歡但係唔係度度有得食嘅椰菜苗,不過佢啲椰菜苗就大個咗少少,變咗椰菜仔。

最後食泰菜點少得過湯,但係今晚就試咗佢個酸辣椰汁雞湯,可能因為要符合返香港人嘅口味,所以啲味道淡咗少少,如果可以再酸啲辣啲咁就正啦。

飲品嗰度我自己就帶咗個泰式檸檬茶,佢個茶底真係有泰式奶茶嗰陣味,同樣地如果可以濃返少少就好啦。

而男朋友就嗌左個越式滴滴咖啡,佢雖然滴滴下,但係係杯度本身都已經會放咗奶同埋糖,所以滴完之後一攪勻就飲得㗎啦。

參觀日期:2020年7月
感謝 malkayiu
該評論乃TripAdvisor會員主觀個人意見,不代表TripAdvisor LLC公司。
2020年7月6日的評論 透過行動裝置

好耐都冇食泰國菜 今日就去咗九龍城食價錢好親民嘅金寶泰國菜館 呢度係掃描QR code落單嘅 好方便

食物方面主菜我哋當然揀每一次食泰國菜最鍾意叫嘅冬陰功湯 青咖喱雞加蒜蓉包同蝦羔炒飯 冬陰功湯有分大同細 啱晒我哋兩個人可以叫細份 電話落單已經可以揀埋小辣同走芫荽 好貼心 果然最後唔會好辣 佢同青咖喱雞一樣上菜嘅時候會跟個小火爐 可以保溫值得一讚 青咖喱同樣揀小辣所以都係唔係好辣 蒜蓉包好香脆 點青咖喱一流 蝦羔炒飯鹹香十足 仲有好多配料 小食就試咗蒜蓉牛油雞翼 外皮都幾香脆 略嫌蒜蓉牛油味可以再濃d

飲品就試咗三色冰 佢哋既椰汁好濃郁好重椰味好好飲 最後當然唔少得一個芒果椰汁糯米飯啦 絕對冇令我失望 糯米飯可以揀黑糯米 普通糯米 或者兩溝 我地就揀咗兩溝 淋上熱辣辣嘅椰漿 香甜而不膩 旁邊嘅芒果好甜好正

參觀日期:2020年6月
感謝 foodiecouple_ms
該評論乃TripAdvisor會員主觀個人意見,不代表TripAdvisor LLC公司。

去過金寶泰國菜館嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。